Statement by President Ferdinand R. Marcos Jr. during his visit to Cebu

Maayong buntag. Good morning sa inyong lahat. We are back here – pinunta – binalikan namin ‘yung hospital, ‘yung dalawang – ‘yung pangalawang tent – itong isang tent city at saka isa pa ito para inspeksyonin kung na-deliver na natin ‘yung mga pangangailangan ng mga – ng mga naging biktima, na-displace, ‘yung mga nawalan ng tahanan noong nakaraang lindol.

Kaya ito – kaya kami nandito at maganda naman makita na malaki ang progreso. Malaki ang itinulong ng Red Cross, kaya nandito ang ating chairman, the former Senator Dick Gordon.

At kung makita ninyo, maraming tent dito galing talaga sa Red Cross. Pati ‘yung mga relief goods nanggaling sa Red Cross. Ang bilis.

After one day, nandito na si chairman eh. Kaya – naunahan ko lang ng one day.

PHILIPPINE RED CROSS CHAIRMAN DICK GORDON: When you have a good leader, the people will move fast.

PRESIDENT MARCOS: Oo. Talaga naman.

So, I’m happy to report na mayroon ng – talaga lahat, everybody, lahat ng nasiraan ng bahay ay mayroon ng tinitirahan kahit na tent lang muna.

Kung makita ninyo, doon sa na – ‘yung dinaanan nating tent city, pinapalitan na natin ‘yung tent at nilalagay na natin ‘yung mas maganda, mas matibay na housing para sa ating tinatawag na modular shelter na ating bagong binibigay pagka magka – nagkakaganito.

Kaya ako ay nagpapasalamat sa lahat ng ating mga – lahat ng ating mga first responder, lahat ng ating mga volunteer, pati na ‘yung mga agencies of government at maganda naman ang naging response.

Siguro hindi naman tayo mapapahiya sa tao na sabi natin eh basta’t may pangangailangan eh nandiyan ang – nandiyan ang pamahalaan.

Kaya hindi na – hindi pa naman…Kagaya ng nasabi ko noong last time ako nandito, hindi ito naman minsanan lang, patuloy pa ito kung ano pa ang pangangailangan. At pati…May magandang idea ang – ginawa ‘yung Red Cross, naglagay ng swimming pool para sa bata.

Parang maliit lang na bagay, pero hindi eh. Dahil ang mga bata, kahit papapano, talagang nayanig ang isip nila dahil sa lindol, tapos nawalan ng bahay, tapos lumipat dito. At least, nakita mo na tumatawa na naman, nagsisisigaw. Malaking bagay ‘yan para sa mental health ng ating mga kabataan.

And that you can tell that Red Cross talaga sanay na sanay sa ganitong klaseng trabaho. At aming…Iniisip pa lang namin nagawa na nila. Kaya maraming salamat sa Red Cross. Maraming salamat Chairman Dick.

So, ganoon na mun – ganoon ang situation report namin dito ngayon. Maayos lahat ng tao na naging biktima ay mayroon ng sinisilungan, mayroon silang kinakain, mayroon silang kinukuhanan ng tubig, mayroon silang ginagamit na toilet facilities na maayos, at lahat pa ng kung ano pa ang pangangailangan going forward ay nakapagbigay na rin tayo pati ng ano –

OFFICIAL: Food packs and cash assistance.

PRESIDENT MARCOS: At saka cash assistance at saka ‘yung construction materials.

Nagbigay na ng construction materials pati ang DHSUD. Oo. Ang DHSUD ang nagbigay ng construction materials para masimulan na ng ating mga kababayan na mag-reconstruct ng kanilang mga bahay, ‘yung mga sira muna.

‘Yung mga nawala talaga na bahay eh ‘yun pa eh babalikan natin. But for now, I think, okay naman tayo. We will keep working to make sure everybody’s okay, everybody’s healthy, everybody has what they need. ‘Yun. Thank you very much.

— END —