Remarks by President Ferdinand R. Marcos Jr. Following the Situation Briefing on the Effects of the Enhanced Southwest Monsoon in Central Luzon

Kakatapos lang namin ‘yung briefing tungkol sa flooding situation sa Region III. At talagang ramdam na ramdam na napakabigat ng ulan at napakarami ang bumagsak na tubig kaya na-overwhelm lahat ng ating mga flood control na – flood management program.

Ang problema, kitang-kita, siyempre alam naman natin na marami sa, halimbawa sa Bulacan, na mga flood control na hindi naman nagawa kaya nagkakaganito. Ngunit kailangan din natin maunawaan na hindi lang dahil sa problema ng flood control project, kung hindi pati na sa lakas talaga ng ulan na hindi pa natin nakita sa kasaysayan ng Pilipinas.

Ito ay ang naging resulta ng climate change. Kailangan maunawaan din ng tao na ‘yung climate change ay talagang nandito na at nandiyan tayo naaapektuhan. Hindi bale at tayo’y gumawa – nakapagdesisyon tayo tungkol sa mga immediate measures na kailangang gawin in the immediate term, in the medium term, and in the long term.

In the immediate term, siyempre aayusin natin ‘yung mga nasira at babalikan natin lahat nung mga nasira. Iyon ang pinaka-immediate na kailangan gawin madalian para matapos ulit.

Ang problema din diyan ay hindi pa tayo nakakasiguro kung titigil na ‘yung ulan. Dahil kailangan natin, halimbawa may mga lugar may tubig pa, hindi pa natin ma-assess kung ano ‘yung damage dahil may tubig pa, na binabaha pa. Kailangan natin hintayin ‘yan.

Pangalawa, binabantayan natin ang panahon kasi kahit ‘yung mga nasira, ‘pag aayusin natin ngayon, bumalik na naman ‘yan at magkabaha, masisira ulit ‘yung bagong gawa kaya’t napakasayang naman nung ating gagawin. Kaya medyo kailangan natin alalayan at bantayan na mabuti na maging effective kung ano man ‘yung gagawin natin ay magiging matibay at hindi mawawala at hindi masisira sa susunod na baha.

Kaya lahat ito ay aming napag-usapan at napagplanuhan at immediately… There is a project for Sabo River Dams na lima kaagad sa Nueva Ecija dahil ito ‘yung kumukuha sa tubig sa taas. Sierra Madre na ‘yung pinagkukuhanan ng tubig. At ‘yan ay makakatulong para bawasan ang bilis nang pagbaba ng tubig, mabawasan ang siltation, at makakapag-ipon pa tayo ng tubig para gamitin for household use, industrial, for irrigation sa agrikultura.

Marami pa tayong mga iba’t ibang mga gagawin. Isang long-term plan ay gumawa ng dike na kalsada mula sa… Ah malayo, malayo ‘yung aming tinitingnan, hanggang Pilar sa Bataan. And we will do — this is the long-term plan, sa kasalukuyan ay pinag-aaralan ngayon natin.

That is about a hundred kilometers kaya medyo matatagalan. Pero pinag-aaralan na natin para at least, at the very least mayroon tayong plano at mayroon na tayong masisimulan doon sa napakahaba na gagawin na dike na kalsada para maharang ang tubig na nanggagaling sa dagat, sa Manila Bay.

So that is the situation that we have now. Satisfied? I’m satisfied that ‘yung immediate needs ng tao, ‘yung kanilang pagkain, ‘yung kanilang shelter, ‘yung health care na dala ng pamahalaan, ng national government ay nandiyan lahat. Hindi naman tayo nauubusan ng gamit, hindi naman tayo nauubusan ng tulong. At patuloy ‘yan hangga’t nangangailangan ‘yung tao ay binibigyan natin silang lahat ng kanilang pangangailangan.

So that is the situation for now. It is still a developing situation. Hindi pa tapos ito.

So we will continue to monitor. We will continue to do everything that we can so that we will mitigate the effects of this very strong rain and the flooding that follows it.

Okay? Sige, maraming salamat.

— END —