Remarks by President Ferdinand R. Marcos Jr. at His Visit to MD Juan Enterprises, Inc.

Magandang umaga sa inyong lahat.

Nandito tayo sa MD Juan kung saan ay itong planta na ito ay gumagawa pa rin ng mga lumang jeep, ‘yung mga panahon pa ng giyera. ‘Yan ang kanilang unang naging production dito, ‘yung mga lumang jeep.

Pero ngayon, kaya tayo nandito, tinitingnan natin kung ano ‘yung mga kailangan gawin para kaya na nila na makapag-fabricate ng all-Filipino na electric na tricycle at saka electric na jeepney kung sakali dumating sa ganoon.

Kaya tinitingnan namin ang mga facilities, ano ‘yung nandito na, ano na ‘yung mga kulang, ano pa ‘yung mga kulang na susuportahan ng ating DOST, ng national government para makapaggawa na tayo ng electric vehicle dito sa Pilipinas.

At kinikilala naman itong MD Juan na very—matagal nang nasa trabahong ganito at sila ang nangunguna sa mga ibang teknolohiya na kailangan natin para makapagbuo, makapag-fabricate, makapag-manufacture na tayo ng electric vehicle – lahat dito manggagaling sa Pilipinas.

At alam naman natin ‘yan ang ating mga hangarin para mabawasan ang dependence on petroleum products na nanggagaling sa ibang lugar at sa ganoong paraan ay magiging mas stable ang ating ekonomiya at ang hanapbuhay ng—lalong-lalong na ‘yung mga kasama natin na nagpapasada.

So the next step is to put in some of the new equipment that is still necessary for the production of the electric vehicle. At alam na namin ‘yung gagawin. And together with our technical consultants, I believe that we will soon be seeing a Filipino electric vehicle, tricycle, at maybe down the road, makagawa na tayo ng jeepney.

All right. Thank you.

—END—